Diaranson anochi a tuma luga e Jump Up pa e bario di Dakota, cual segun Joontje Kock, encarga cu e comision pa actividadnan di Dakota, tanto pa e Centro di Bario como pa henter e bario di Dakota y Tarabana ta pa di tres aña.
Kock a comenta cu E Jump Up cu a tuma luga diaranson anochi, ta un idea cu a bin cun’e 3 aña pasa. Dakota semper tabata tin su Jump Up Escolar y su Jump Up anochi. Cu tempo el a caba un tiki, pero esaki ta di tres aña cu ta bib’e bek.
Durante e atardi, tabata tin un banda y soundsystem cu e Roadmarch King infantil y hubenil.
E otro participantenan tambe a canta. Anochi tabata tin un miniteca y dos banda. Ta gradici tur sponsor. Si no ta pa nan, e Jump Upnan aki no lo tabata posibel. Sigur esnan cu a presenta riba e ruta pa yuda, polis, Rode Kruis, Serlimar. Tur a duna un man den e tremendo Jump Up aki.
