TOPA tin e pasenshi suficiente pa warda ken lo bira hefe na Departamento di Inmigracion. Nan tin contacto estrecho cu nan miembronan na tanto aeropuerto como na waf di Barcadera y ta bezig ta stimula nan, mirando cu e presion cu nan a sinti den e ultimo simannan. Rene Bernabela, presidente di e sindicato, ta conseha nan pa carga tiki pasenshi.
Segun e ta bisa, Minister Bikker a splica cu e reunionnan ta sigui otro siman. Loke e sindicato kier ta pa yega na un final di e formatierapport definitivamente y pa asina e trahadonan por sigui labora na un forma adecuado y trankil. Dentro di poco High Season ta bay cuminsa y nan no kier yega e temporada aki cu un formatierapport cu no ta cla ainda. E ora si ta bisa cu tur problema lo bin halto pareu. No ta descarta tampoco e ora tampoco cu accion lo por sigui su tras.
Rene Bernabela di TOPA: Trahadornan ta exigi pa Trudy Hassel keda leu di Migracion Aruba
Posted by 24ora on Wednesday, June 5, 2019
Trahadonan ta trankil
Na e momentonan aki, e situacion na aeropuerto ta trankil. Sinembargo kier a pone enfasis riba e Minister, cu e formatierapport tin cu wordo caba hunto cu e promocionnan cu ta pendiente. Esakinan tambe tin cu cana pareu y kier caba cu esaki prome cu e temporada halto cuminsa. Una bes cu e temporada halto cuminsa, e ora Minister no lo bay tin control. E ora ey no lo tin ni tempo pa finalisa e formatierapport, ni pa cuminsa un screening pa busca un hefe nobo pa e Departamento di Inmigracion.
