E trahadonan di DOW, DIP y DLV a bay den accion pa vocifera nan malcontento. Sindicato SEPPA a para band’i e trahadonan. E trahadonan dje departamentonan aki tambe a uni na e yamada di forma pari dje paro nacional.
Magaly Brito, secretario general di SEPPA, a indica cu mainta trempan a cuminsa cu e accion na diferente parti. E hendenan ta manifestando nan malcontento door di e walk out di un ora. SEPPA tabata na diferente caminda pa duna sosten na miembro di SEPPA of di otro sindicato. Asina aki ta mustra cu ta uni den un solo lucha.
Nan a pasa sostene e trahadonan di DOW, DIP y DLV un rato pa asina sigui n’e otro luganan cu ta tene manifestacion di malcontento. Segun Brito, e no sa cuanto miembro nan ta maneha pero loke ta importante ta cu e trahadonan mes ta sali mustra nan malcontento. E idea cu ta bin dilanti cu ta sindicato of dirigente ta bin dilanti vocifera, pero e realidad ta cu locual ta vocifera p’e dirigentenan sindical no ta loke ta biba bou e trahadonan. A opta pa mustra esey diferente. Sigur despues di siman pasa, SEPPA a papia cu su hendenan riba e hecho cu nan ta duna mandato y na final nan mes no ta expresa e malcontento. SEPPA ta contento con rapido nan a reacciona, pasobra esaki ta accionnan cu nan mes a organisa.
Pa un cobertura mas amplio lesa e edicion di TREMPAN di mañan.
