Minister di Labor diahuebs a haci un promesa cu e lo busca un solucion pa e tema di Stichting Ambiente Feliz di su trahadonan cu no a haya nan Bashi Premie. Diabierna mainta sinembargo un biaha mas e trahadonan di Ambiente Feliz tabata na Bestuurskantoor pasobra no tabata satisfecho cu e promesa vago pa un solucion.
E directiva di e fundacion mes no tin e capacidad financiero pa tuma riba nan encargo pago di e Bashi Premie aki, manera algun otro fundacion cu tabatin reserva si a haci.
SEPPA a probecha pa papia cu minister di Labor, Glenbert Croes, riba e tema aki. Segun Brito a splica, e mandatario a tuma nota di un proposicion di Stichting Ambiente Feliz y el a dicidi di bay di acuerdo cu esaki. Esaki ta nifica cu a corto plaso e trahadonan por haya e Bashi Premie.
Lo tuma contacto cu presidente di Ambiente Feliz pa mira con lihe por paga e Bashi Premie.
