Den oranan di marduga den forma sorpresa recherchenan di Playa a detene un sospechoso cu nan tabata buscando pa un caso di tiramento. Pero e mas sorpresivo ta cu ya den oranan di merdia pa atardi a lag’e liber.
E orden pa drenta e cas ta bini di Ministerio Publico y Hues Comisario.
Den oranan di madruga recherche di Oranjestad a bay na e cas Papaya 30 pa detene e homber Jonathan Kalugan di 24 aña, kende tabata drumi den su camber hunto cu su yiu di 4 aña. Esaki supuestamente relaciona cu un caso di tiramento na Dakota.
Hasta e tata durante e entrada hudicial aki a resulta herida na su cara, ora cu nan a dal’e cu e porta cu e tabata di bay habri pa nan drenta paden.
Despues di tur e accion, a resulta cu nan mester a laga e hoben liber. Awo Jonathan ta pidi pa drecha e portanan kibra y pa trece loke cu nan a confisca di su tata. Aworaki no tin prueba contra dje y no a haya nada riba dje y asina mes a detene. P’esey tambe a lag’e bay pasobra no a haya nada.
Dos aña pasa caba nan a cer’e sin cu e tabata envolvi den e caso. Dies dia despues di repente a haya un arma tira banda di su cas.
