Djaweps, 12 di òktober Servisio pa Obra Públiko (OW) ta kuminsá ku trabounan di mantenshon na e krusada elevá dilanti Brionplein, na De Rouvilleweg.
E trabounan tin un durashon di un dia, durante di e trabounan di mantenshon tin diferente desviashon di tráfiko pa tene kuenta kuné den e área. Krusadanan elevá tin e propósito di hisa e seguridat den tráfiko. Pa e krusada aki tambe esei ta e kaso. OW ta pidi outomobilistanan pa kore ku koutela den e área na momentu ku e trabounan ta tuma lugá durante dia. Si tur kos kana segun plan e trabounan ta finalisá djabièrnè 13 di òktober. Segun e trabounan ta tuma lugá, e krusada lo no ta aksesibel pa tráfiko.
Outomobilistanan ku ta trafiká den e área mester sigui e indikashonnan den forma di flecha pa yega na nan destinashon. Via di e karta aki, OW, kontratista MNO Vervat i Kuerpo Polisial Kòrsou ta pidi indulgensia pa eventual molèster pa e kambio temporal. Pa kualke pregunta tokante e proyekto por tuma kontakto ku Obra Públiko via e number 433-4327, Whats app +5999511-8582 òf via di e-mail [email protected].
