Diabierna corte di husticia di prome instancia a anuncia un condena di cinco aña pa Ocaris Tobon Hernandez, acusa di a regla actanan falsifica di matrimonio riba escala grandi y pa pago durante un periodo di mas cu shete aña, cual ta conduci na e delito di estafa.
Hues na momento di lesa e sentencia a bisa e acusado cu henter e caso aki a cuminsa draai ora cu e pareha Benvides Alvarez y Lopez a sinti nan mes perhudica ora cu a bay busca intermediacion di e acusado aki pa yuda den e proceso pa yega na haya permiso.
E actanan falso aki a wordo siguientemente uza pa regla inscripcion di matrimonio na Dienst Burgerlijke Stand y Bevolkingsregister (Censo). Di e manera aki un gran cantidad di persona a adkeri residencia.
Den e sentencia ta para cu den e celular di Tobon a haya nada menos cu 172 potret y documento, pero tambe un cantidad grandi di combersacion, cu ta forma parti di e dossier Abielu.
Censo mes a haci 20 denuncia, pero den e sentencia ta papia di solamente 5 di e casonan, cu ta personanan si nan tabata ilegal y a haya beneficio di loke e acusado aki, di 65 aña, a haci.
Cinco aña corte a conclui cu e homber aki mester haya pa e delito di estafa y falsificacion di acta di matrimonio na gran escala.
Pa relato amplio, lesa TREMPAN.
