Mayoria lider na Aruba a bira lider door di forma parti di Toastmasters Club. Toastmasters ta e Plataforma unda lidernan ta nace. Diasabra 20 di april 2024 cuater (4) Toastmasters Club, Yamanota, Baranca, University of Aruba y Orua, ta bini hunto pa asina presenta na comunidad di Aruba kico Toastmasters Club ta, y di e manera aki haya mas miembro. Nos a yama e actividad aki ‘Membership Building Campaign.’
Como un Toastmaster bo ta siñapa desaroya bo mes por medio di discurso, unda cada bes bo traha y presenta un discurso e ta evalua door di un otro toastmaster, y na e manera aki bo ta sigui crece y haya confiansa den bo mes. Como un toastmaster bo ta evalua un otro toastmaster su discurso tambe, y ta aki bo ta yuda otro tambe pa crece.
Toastmasters ta duna bo e pakete completo pa bo desaroyo propio unda tambe tin oportunidad pa bo drenta den e directiva di e club, eynan bo ta haya tur e training necesario pa e posicion di presidente, tesorero, relacionista publico, secretaria, e directiva ta sinta pa un aña.
No ta pornada Toastmasters International ta celebrando e aña aki ‘100 aña di existencia’ cu aproximadamente 270.000 miembro den mas cu 14.200 clubs, na 148 pais na mundo. E organisacion di Toastmasters t’ey pa keda, yudando hoben como adulto den nan desaroyo.
Si bo kier bira maestro(a) di scol, bo kier bira un agencia di real estate, bo tin pensamento pa drenta mundo di benta, bo kier bende seguro, bo kier bende bo producto, bo tin pensamento di busca otro trabou, traha den horeca, bo kier desaroyo bo idioma Ingles y Papiamento, hasta si bo ta un studiante y bo kier haya mas confianza den bo mes pa ora di spreekbeurt, join Toastmaster.
Bin presencia pa bo mes discurso humoristico, informativo, educacional, discurso cu ta motiva bo, na e idioma Papiamento y Ingles hunto cu nan evaluacion y presencia tambe nos seccion di preguntanan impromptu, diasabra 20 di april 2024 na Biblioteca Nacional di Aruba. Orario ta di 4.30 pa 8.30 pm. E prome seccion di discurso ta cuminsa 5:00 pa 6:00 pm e di dos ta seccion ta 6:30 pa 7.30 pm. Entrada ta gratis.
