“Mi no ta haya fondo for di Gobierno pa boso keda plunder mi luga mensen, ta cu mi sodo mi ta hacie. Riba dje mi ta dunando tour y mi ta splicando con sigur San Nicolas ta djis pa mi bisa nan wait here a minute I just got robbed”, asina Tito Bolivar a bisa nos awe tardi. E ta disgusta pasobra awe mainta ora el a yega su edificio cu turista, el a topa cu e porta habri y realisa cu a horta su cosnan.
Tito Bolivar ta huur e edificio “Artisa” situa den B. van de Veen Zeppenfeldstraat ma San Nicolas. Ey den e tin material di arte cu e ta expone na turistanan dor di organisa tour regularmente.
E reto pa Bolivar awor ta pa haya sa ken a hort’e. Esaki pasobra cu el a inverti den un sistema di camara, pero e “ladron” aki ta asina sabi, cu el a horta hasta e mashin di grabacion (DVR) riba cual lo por a mira imagen di e antisocial aki. Bolivar ta birando victima di ladronicia constatemente, pa cual e ta yegando na un punto di disgusto serio, pasobra ni kico haci, toch un grupo ta sigui daña pa tur otro.
