Tabata alrededor di 7:45 pm cu habitante a bati alarma p’un situacion alarmante. Aki ta caminda cu el a scucha un zonido duro y ora a bay wak den cushina, a topa cu un scarnir perfora y un bala. E tabata spanta, mirando cu tabatin un hoben sinta na mesa, pues e consecuencia por tabata fatal.
Polis a tuma dato y a confisca e bala. No ta conoci si ta trata di un bala cayente of no. Ta na altura di Malmokweg 2, unda e situacion a sosode. Polis a pasa e bala over pa e departamento forensico y recherche, ta pendiente pa mas desaroyo di e caso aki.