Diabierna anochi, prome cu 11’or pm, polis a duna ordo pa cera Sayonara Bar. E ta ubica na Heilfrichtstraat, patras di caya grandi na San Nicolas. E motibo ta cu e establecimento ainda no ta conta cu e permiso necesario pa ta den operacion. Autoridadnan ya pa algun dia caba ta mirando varios movecion den area rond di e edificio.
A drecha e luga, dun’e un medio ‘facelift’, pero ainda nan documento mes pa opera no ta cla. Pa e motibo ey, un patruya atento di San Nicolas a presenta, constata cu no ta cumpliendo cu regla y posteriormente haci procesverbaal pa cera e establecimento aki. Algo cu reportero na e sitio a tuma di dje ta cu Sayonara Bar ainda no tabatin ‘animeer meisjes’ trahando.
