Diasabra mainta trempan polis a presenta den Caya St. Maarten p’un problema cu a escala den un rat’i ora. No ta conoce ainda e detaye di e caso aki. E hecho ta si cu; despues di un discusion basta formal, un persona a sac’un machete y e kap e otro. A ricibi corta na cara y un band’i brasa.
Ambulance a presenta cu urgencia pa brinda e victima atencion medico. Varios unidad di polis a presenta pa atende cu e caso aki. A detene un persona tambe, di cual a transport’e pa warda pa un subfiscal dicidi riba su encarcelacion of libertad.
E team forensico di polis tambe a presenta p’asina saca potret di tur evidencia pa por contribui n’e parti investigativo. E caso aki ta uno den desaroyo, asina cu tin mas informacion y detaye, nos lo amplie pa nos fiel usuarionan.
