E di tres dia di agenda di delegacion di Aruba na Hulanda e siman aki a culmina cu asistencia na e celebracion na honor di mr. Juan Ady Thijsen pa su instalacion como Minister Plenipotenciario di Aruba na Hulanda. Minister President Evelyn Wever-Croes y colega titular di Finanzas, Xiomara Maduro a yega den e bus compaña pa coordinador y miembronan di famia na e hotel Marriott di Den Haag cu Arubahuis a huur pa tene e celebracion aki y a invita diferente figura di e bida politico y Arubiano di e ciudad.
24ora.com, como e unico medio di comunicacion local na Hulanda y den e meta di mantene comunidad informa di tur loke ta pasa cu Aruba, a tuma contacto cu Arubahuis pa pidi acceso na e evento. Sinembargo a haya contesta for di Sidney Kock, director di Arubahuis, cu esey no lo ta posibel, cu no a invita ningun prensa y cu Gobierno di Aruba ta reserva e derecho di scoge ken ta invita na e evento. Pa e motibo aki a opta si pa capta e yegada di invitadonan pa mira si algun toch kier a comenta algo.
Mas trempan den dia tanto Premier Wever-Croes como Minister Maduro a bishita e titular di finanzas Hulandes, Sigrid Kaag. Durante e reunion a papia riba e crisis financiero cu Aruba ta pasa aden y con Gabinete Wever-Croes II tin plania di sali fo’i dje. Durante e cobertura cu a haci di e bishita oficial aki, por a tuma nota cu politico na Hulanda ta hopi interesa pa sa con Aruba ta bay sali di e situacion economico aki.
Pa e relato completo, lesa edicion di TREMPAN
