Algo cu a wak for di aña pasa caba ta e Self Esteem di nos hobennan segun Shurman Milliard di Telefon pa Hubentud. Ta wak e muchanan un tiki mas grandi, tienernan cu ta bay 5de, 6de y scolnan secundario, cu e Self Esteem ta un tiki dificil pa deal cun’e. Cua grupo ta parti di dje, con mester papia, ki interesnan mi tin, mester cambia mi mes.
Esey ta loke Telefon pa Hubentud kier pa tur hende sa, pa ta bo mes. Ta e prome cos cu ta importante den cualkier momento cu bo ta, sea cu bo bay un scol nobo, bo a bay over, bo no a bay over, bo ta bay na un scol cu ta por ehempel den exterior. Cualkier otro motibo, ta bo mes, ta e prome cos. Bo ta ilustra bo Self Esteem, laga wak cu abo no tin miedo, laga wak cu abo ta un persona cu ta para riba su pianan y bo sa kico bo mes un norma y balor ta. Asina un otro hende no por cambia bo pensamento. Nan no por pushabo den camindanan cu bo sa cu ta malo.
No mester lubida, hobennan sa kico ta bon. Nan sa kico ta malo, nan sa cua tareanan cu nan kier bay, unda nan kier bay. Pero tin ora nan mester e yudansa di nos adultonan. Pesey Telefon pa Hubentud ta contento cu fundacionnan manera Tienda di Educacion tey pa papia cu e mayornan, pa laga nan sa, cua momento nan por dirigi nan yiunan mas bon, cua momento nan ta tende mas bon.
Pesey ta traha asina hopi cu diferente fundacion, cu diferente topico. Ta wak cu e hobennan, cu ta yama Telefon pa Hubentud, ta keda na un cantidad basta halto. Ta wak si cu e muchanan sa mas y mas cua momentonan nan por bay, na cua fundacionnan. Ta haya mas preocupacion cu ta mas alarmante na Telefon pa Hubentud.
No kier e yamadanan ey, pero nan sa unda nan por yama si tin un problema. Telefon pa Hubentud ta contento cu nan ta un fundacion hopi conoci y hopi pidi p’e pa e charlanan, pa e informacion cu nan ta duna na e muchanan, na prome luga, pero tambe e maestronan nan ta acerca nan, laga nan sa, cu si nan tin preocupacion den nan klas nobo, nan ta wak cu muchanan toch tin un tiki miedo y sa kier sa mas riba droga y alcohol y kier sa mas riba Self Esteem of e Mente Hoben pa e muchanan mas grandi. Telefon pa Hubentud tey pa duna tur e informacion ey den e aña cu ta bin.
Telefon pa Hubentud tey
Tambe Telefon pa Hubentud sa cu e muchanan ta cla pa e aña cu ta bin. Sa ken abo ta, bay cu bo mesun norma y balor cu bo a siña for di cas. Si bo tin pregunta, naturalmente e prome personanan cu bo mester papia cun’e, ta bo tata y mama, ta e hendenan rond dibo, cu ta cerca dibo. Si toch bo kier pa bo wordo yuda na un manera anonimo, esta papia y bo no kier pa nan sa ken bo ta, pero toch kier haya un bon yudansa y informacion, Telefon pa Hubentud tey tur dia entre 2’or di merdia y 6’or di atardi, pa tur e preguntanan cu bo por tin.
No mester lubida cu Telefon pa Hubentud tey pa cosnan malo. Si bo kier canta un cantica, conta un joke, bo tin preguntanan di huiswerk, telefon pa Hubentud tey pa yuda tur e hobennan aki na Aruba.
