Team College USA femenino ta na Aruba pa algun wega di fogeo

1066

Aruba Softball Bond despues di tabata tin un reunion extraordinario exitoso 5 di Februari 2020 cu representante di 14 Team presente cual a tuma lugar  na Technical Center na Frans Figaroa  unda a planea fechanan pa inicia campeonatonan U17, Femenino AA, Masculino A-Klas y AA mester a cancela tur cos.

Manera conosi desde 13 di Maart 2020 cu entrada di Corona Virus esaki a cambia tur cos na henter mundo pa un normal nobo. Alaves a reuni 11 di februari 2020 cu representantenan di tur team di Copa Noord cual pa mesun rasonnan lo wordo reschedule.

Team College USA a jega Aruba diasabra ultimo

Mientrastanto e animo ta halto den e atletanan nacional pero tambe internacional pa cuminsa train y competi bek. Aruba Softball Bond ta den contacto estrecho cu William “Bill” Edington di USAAI Travelers kende pa hopi aña ta trese equiponan femenino di College Aruba. Rensley Zijlstra di Aruba Tours to Go ta esun encarga na Aruba pa henter e programa e siman cu e atletanan ta na Aruba. Diasabra ultimo Zuleyka Willems di Aruba Softball Bond a bay ricibi e delegacion cu a jega di USA.

Weganan di fogeo e siman aki

Manera Presidente di Aruba Softball Bond a declara cu Slowly but Surely nos lo start up cu weganan di softball. Lo percura pa cumpli cu protocolnan tanto internacional di WBSC y tambe di autoridadnan local entre otro di IBISA. Zuleyka Willems a reuni recien cu IBISA kende na nan turno a reuni cu esnan encarga cu veldnan entr otro Kudawecha pa asina percura cu lo cumpli cu protocolnan di COVID 19. Diamars 28 di Juli Team USA vs Aruba Bank Lady Tigers campeon 2019 di Aruba, diaranson 29 di Juli Team USa vs Rockets y diahuebs 30 di Juli Team USA vs Eagles sub campeon 2019. Tur weganan lo tuma lugar na veld di Kudawecha y lo cuminsa 630pm. Aruba Softball Bond ta negoshando ainda pa haña un tereno pa un wega extra pa diabierna. Softball ta bezig ta start bek slowly but surely cumpliendo cu protocol.