Polis di Strand Politie a gara dos sospechoso pa ladronicia di celularnan di turista na Beach. A pidi presencia di Polis na Barcelo.
E turista a conta Polis cu su tas, su keds, su slof y dos celular a disparce. E turista mas of menos a haya indicacion unda e celularnan a ser horta. A track e celularnan y polis di Strand Poltie a yega te Playa na Kini Kini Building. Na un negoshi bende y drecha celular cu accesorio a topa dos conoci di Polis cu e celularnan. A haya e keds di e turista na pia di e sospechoso Peterson di Savaneta.
A haya tambe den tas di Kakalaka blanco Net nan a bay unlock e celularnan pa bendenan. Asina Polis su esfuerso a duna su fruto. E turista a keda hopi contento y a gradici e Polisnan pa e super bon trabou. cu nan a hasi. El a haya su dos celularnan bek, creditcard, keds y slofnan. Polis tin bista riba nan pasobra basta tempo ta miranan ta move banda di beach unda e turistanan ta frecuenta. Mas biaha turistanan ta perde nan pertenencianan na beach. Cada biaha algo asina sosode ta un daño hopi grandi na nos turismo.
