E Faculta di Arte y Ciencia (FAS) di Universidad di Aruba (UA) ta corda pueblo di Aruba cu e studiantenan ta bende rifa pa yuda cubri gasto di un biahe educacional na October proximo.
E meta di e rifa ta pa e studiantenan por colecta fondo pa paga nan ticket, estadia y transporte. Ta pidi tur comerciante y e comunidad henter pa coopera ya cu di e forma aki studiantenan ta haya e oportunidad pa amplia nan experiencia y conocemento riba nivel
practico/internacional. E programa practico/internacional ta pa studiantenan di Social Work and Development (SW&D) y e studiantenan di e programa di estudio Organization, Governance, and Management (OGM).
E studiantenan di SW&D ta biaha pa Costa Rica y OGM ta biaha pa Washington DC. E meta di e biahenan aki ta pa stimula e studiantenan pa aspira pa sigui studia (pa un Masters), pa haya experiencia internacional, pa amplia nan perspectiva teorético y pa nan experiencia con ta aplica y teorianan cu nan ta studia den e cursonan por medio di diferente proyecto cu lo bishita na e destinacionnan ya menciona.
E studiantenan y docentenan di FAS ta gradici tur comerciante cu ta coopera y recorda e comunidad cu e dia di e rifa ta 2 di October 2019 proximo. Nos rifa lo tuma lugar den ora di merdia (lunch) y lo ser supervisa dor di Notario Sr. Johnson. Por follow nos riba Facebook pa noticia tocante nos rifa: University of Aruba: Organization, Governance and Management –
OGM. Pa mas informacion por e-mail [email protected], [email protected] of [email protected].
