Awe den ora di atardi e reunion entre Cuerpo di Docente, SIMAR y SVOA hunto cu mediador di gobierno a continua. E reunion a termina na fabor di e rector, mirando cu SVOA a baha cabes y kita su suspension.
Rector di Colegio Arubano Tim Croes tabata contento cu resultado dje reunion. E rector a expresa cu inhustamente a suspend’e, pero e presidente di SVOA Ernesto Rosenstand a mand’e carta awe merdia admitiendo cu a suspende inhustamente. Nan a kita su suspension di biaha y a palabra cu SVOA ta manda un comunicado di esaki. Croes tabata spera cu den e carta SVOA ta pidie su disculpa y pa limpia su nomber, pasobra e no a haci nada fout. Tambe Rosenstand a informa den e carta cu e suspension no tabata na su luga.
Presidente di SIMAR, Josephine Albertus, a bisa cu e sindicato a reuni awe cu e docentenan y a para cu e representantenan di Algemene Lerarenvergadering Colegio Arubano (ALV). ALV a yama tur docente mirando cu nan tabata den incertidumbre ayera ainda riba e parti dje rector Croes. Tur docente ta contento despues di a tende cu a kita e suspension di Croes y e ta bek den su funcion.
Den nomber di e docentenan, SIMAR kier a gradici e docentenan mes cu a lanta para y bisa cu no ta acepta mas, tambe ta gradici e mayornan cu a lanta para y sosten, sin lubida e alumno- y otro scol a yuda. E sindicato ta gradici gobierno, pasobra nan a manda carta pa prome minister cu a yuda pero tambe minister di Enseñansa.
Pa un cobertura mas amplio lesa e edicion di TREMPAN di mañan.
