FIFA Women’s World Cup France 2019 den etapa culminante

0

E aña aki a tuma luga e FIFA Women’s World Cup France 2019 cu participacion di 24 team parti den 6 grupo di 4 team. Desde comienso di e campeonato e teamnan femenino a busca pa bay cu e prome 3 puntonan den nan poule. E di tres rond di grupo ta terminando unda cu pocopoco lo haya sa kendenan lo pasa pe knockout phase.

Grupo A ta forma p’e teamnan di Francia Norwega, Nigeria y Republica Koreano. Den grupo B ta Alemania, Spaña, China y Sur Africa. Grupo C ta forma pa Italia, Australia, Brazil y Jamaica. Grupo D ta consisti pa Inglatera, Hapon, Argentina y Escocia. Grupo E ta forma pa Hulanda, Canada, Cameroen, y Nueva Zelandia. E grupo F ta consisti di Merca, Suecia, Chile y Thailand.

Italia a enfrenta e team di Brazil, mientras cu Australia a topa Jamaica. E wega tabata uno importante pa mira, kendenan ta pasa den nan categoria. Brazil a bay cu e victoria di 1-0 contra di Italia, mientras cu Australia a gana Jamaica 4-1. Asina aki e poule ta termina cu Italia, Australia y Brazil cu 6 punto y Jamaica cu 0 punto.

E teamnan cu a avansa p’e fase di knockout ta Alemania, Francia, Norwega, Australia, Francia, Spaña y Italia. Dia 22 di Juni proximo Norwega lo ta enfrentando Australia pa 3:00pm di cual e otro teamnan ta wardando riba nan contrincante. Diarason e teamnan cu lo ta enfrentando otro ta Hapon contra Inglatera, Escocia contra Argentina y e ultimo weganan lo ta diahuebs, unda cu Hulanda lo ta enfrentando Canada pa 6:00pm pa mira kende lo sali prome den nan poule.