Stichting Frank Polanco ta preparando un otro proyecto, pa asina recauda fondo pa huerfanonan di Aruba.
Despues di un evento sumamente exitoso aña pasa, caminda cu Shariska a core 500 kilometer riba bicicleta rond di Aruba, a logra recauda 11 mil florin.
E aña aki ta bay recauda fondo un biaha mas na un forma diferente.
David Polanco, un di e fundadornan di Stichting Frank Polanco, a splica durante un rueda di prensa na Garage Cordia, cu e fundacion ta yuda huerfanonan financiero pa un periodo di dos aña. E fundacion ta recauda fondo via di un evento deportivo. Cu esaki ta yuda e muchanan cu perde sosten financiero, door cu a perde nan mama of tata.
Aña pasa tabata tin un evento hopi exitoso y a logra e fondo ya indica, caminda cu por a yuda dos mucha mas cun’e. E aña aki atrobe tin un evento.
Normalmente ta organisa e eventonan na December. E evento e aña aki ta bay ta na September. Motibo di esey ta cu tabata tin un otro evento planea pa e aña aki, pero e evento eynan tin como logistica, mester wordo haci den biento. Decemer no ta momento di biento.
Door di esey e evento cu mester a tuma luga pa December, ta hala pa 2020, rond di April/Mei, caminda cu tin biento, cu mester biento pa e evento aki.
E aña aki a bira bashi, segun Polanco. A tuma e decision cu ta bay haci e evento di e aña aki. Na e momento ey ta haya chens pa haci un reto personal di dje mes, e evento pa e aña aki.
E evento yama “The run” y e lo ta un careda na pia di 100 miya, cual ta 161 kilometer. E no ta un distancia cu no a wordo cori na mundo. Tin algun careda anualmente di 100 miya. Pero e ta un distancia cu na Aruba nunca a wordo purba. E distancia cu a yega di wordo cori, Polanco mes a cor’e, dos aña pasa cual ta 100 kilometer.
E evento tin cu tuma luga den luna di September, cual ta e luna mas calor na Aruba. E ta un reto hopi grandi, segun Polanco ta conta.
161 kilometer ta calcula cu por dura 20 ora coriendo. E evento ta dedik’e na Augustin Dorothal, kende na bida tabata un miembro di e fundacion, kende ta fundador di N21 Athletics. Tabata un persona cu a yuda masha hopi mucha mes. Ta un persona cu a traha asina tanto atleta den su bida, pero lastimamente aña pasa a fayece, pero el a bay cu un mensahe, cual ta “zorg pa bo caba cu e trabao.”
Manera tur aña, haciendo e evento aki ta bay purba di bende e kilometernan. E aña aki ta bay bira mas interesante. E aña aki, si e logra, ta bay purba di interact hopi mas cu e publico. Stichting Frank Polanco no solamente kier recauda fondo, pero kier inspira e pueblo di Aruba, kier inspira vooral e hubentud di Aruba.