Conseho di Minister diabierna 11 di juni a propone na Su Mahestad Rey Willem Alexander pa nombra staatsraad pa Afdeling bestuursrechtspraak di Raad van State. Debi na e salida di varios staatsraad otro aña, tin espacio den e Afdeling bestuursrechtspraak pa staatsraad cu a demostra nan competencia y experiencia riba e campo di husticia, administracion of e derecho administrativo.
Cuater staatsraad
E cuater staatraadnan nombra ta mr. drs. J. H. Van Breda, J.J.W.P. van Gastel, mr. M. Soffers y G.O. van Veldhuizen.Jan van Breda (1964) lo cuminsa traha den e Afdeling bestuursrechtspraak. Actualmente e ta hues superior den e sector bestuursrecht na Corte di Gelderland, vocero nacional di bestuursrecht y presidente di Expertsgroep Awb.
Jan-Joost van Gastel (1968) lo incorpora su mes na e Afdeling bestuursrechtspraak. E tambe ta hues superior den e sector bestuursrecht den corte di Gelderland y miembro adhunto di e landelijke beoordeelingscomissie pa huesnan den opleiding.
Marion Soffers (1966) lo incorpora su mes na e Afdeling bestuursrechtsrpaak dia 1 di augustus 2021. Actualmente e ta miembro di e Corte di Husticia Comun di Aruba, Corsou, St. Maarten y Bonaire, St. Eustatius y Saba y ta hues den Corte den Prome Instancia di Aruba.
Onno van Veldhuizen (1962) lo cuminsa dia 1 di oktober 2021 den e Afdeling bestuursrechtspraak. E ta burgemeester di Enschede y anteriormente e tabata burgemeester di Hoorn y Nieuwkoop. Prome cu esey e tabata abogado y hurista corporativo.
Dos staatsraad den servicio extraordinario
A nombra tambe dos staatsraad den servicio extraordinairo, prof. dr. drs. C.H. Sieburgh entrante 1 di juli 2021 y mr.A. L. J. van Strien entrante 1 di augustus 2021.
Carla Sieburg (1969) y Nastja van Strien (1961) ambos ta raadsheer den Corte Superior, den sala civil y sala penal. Nan nombracion ta den cuadro di e politica di nombracion reciproco den e tribunalnan mas halto den bestuursrechtelijke college den cuadro di rechtseenheid. Staatraad den servicio extraordinario no tin un tarea specifico den e Afdeling bestuursrechtspraak.
Tribunal Supremo Administrativo General
E Afdeling bestuursrechtspraak di Raad van State te algemeen bestuursrechter mas halto di e pais. E ta consisti di tres camber huridico: Omgevingskamer, Algemene Kamer y Vreemdelingenkamer. Riba e portal di Raad van State tin mas informacion di e trabou di e Afdeling bestuursrechtspraak
