Diabierna anochi algun minuut prome cu 11:00 pm a tuma nota cu un biaha mas dump ta na candela. Anouk Balentina ta un ciudadano preocupa, for di hopi tempo caba el a bringa pa e habitantenan di Bucutiweg por biba den un miho ambiente. Balentina no ta un cara desconoci, specialmente debi na su lucha pa cera dump y pa por evita cu e habitantenan mester biba den holo stinki y den incertidumbre.
Mirando cu tin un sentencia di hues, Balentina a aplica un di e puntonan acorda, caminda cu, ora e parti dilanti ta na candela, ta notifica un deurwaarder y lo percura pa gobierno ricibi un dwangsom. E dwangsom aki ta un tipo di multa, caminda cu Land Aruba tin cu paga 5 mil florin na Cruz Cora.
Cada biaha cu kima riba dump, por aplica e dwangsom aki, claro, un deurwaarder mester bin na sitio SI. Te awe ainda ta uza dump, siendo tin un sentencia ta prohibi esey. Balentina ta lamenta cu mientras politiconan ta debati den un debate di medio ambiente, ainda ciudadanonan di Parkietenbos, Buena Vista, Bucutiweg, Mahuma, Barcadera y Cas Paloma ta biba den un situacion insoportabel.
Pa mas detaye lesa matutino TREMPAN.
