Soño di hoben Arubiano a bira realidad
E modelo local Zuleika Coffie y su yiu Lilian Coffie cu tambe ta siguiendo pasonan di su mama ta riba billboard na diferente bushaltes di Hulanda. E soño for di comienso di su carera como modelo desde aña 1987 a bira realidad awe. E modelo cu den decada 80-90 a confronta contratiempo debi cu e ta 3 cm mas cortico cu e estatura exigi mundialmente den mundo di modelahe awor a cuminsa haya chens den tanto peliculanan internacional y serienan di television hunto cu su yiu Lilian Coffie cu tambe ta den tvseries y pelicula na Hulanda.
Su mensahe na e generacion di artista y futuro modelo y actornan ta: Nunca stop di persuadi bo soño, tuma rust y cambia bo estrategia pero keda semper bo mes y sigui bo meta.
Su inspiracion ta pa no laga niun hende bisabo cu bo no por logra.
Loke Dios tin p’abo, hende no por kita for di bo.
