SOGA ta cla pa conclui trabounan na Dr. Horacio E. Oduber Hospital

907

Stichting Onroerend Goed Aruba (SOGA) ta comprometi y dicidi pa, hunto cu stakeholders, dedica tur esfuerso na completa e ultimo fase di e proyecto di expansion, remodelacion y renobacion di Dr. Horacio E. Oduber Hospital lo mas pronto posibel. Cu esaki, SOGA kier sigui e bon ehempel duna pa frontliners, autoridad y comunidad di Aruba en general den e maneho exitoso di e crisis di salud. Dor di completa e trabounan cu falta na hospital, SOGA ta cumpli cu e recomendacion di Rijksinstituut voor Volksgezondheid en Milieu (RIVM) pa restaura y fortifica e cuido medico regular lo mas pronto posibel.

Entre e recomendacionnan di RIVM, ta indica cu “Un capacidad di cuido aceptabel; hospitalnan mester por suministra un bon cuido tanto na pashentnan di COVID-19, como na pashentnan den cuido regular; e cuido programa cu actualmente ta para, mester reanuda di nobo a corto plaso.” SOGA ta orguyoso di nos comunidad, di tur esnan trahando den sector di cuido y otronan conoci como “frontliners”, cu a yuda implementa e reglanan di prevencion, mescos cu pa contene y combati e plamamento di Coronavirus. Na enfermero y enfermeranan cu, bao circumstancianan dificil, a brinda cuido na esnan infecta cu Covid-19 y otro patientnan Tambe tin elogio pa mandatarionan cu pro-activamente tuma e decisionnan necesario, constantemente a recordando pueblo riba su obligacion civico, y guiando nos den un periodo dificil. Awe nos por mira e fruto di nos participacion civico y solidario, caminda Aruba ta casi 100% liber di e Coronavirus, permitiendo nos pa cuminsa alivia e medidanan.

Consecuentemente SOGA lo haci lo maximo pa completa tur e facilidad y departamentonan vital den Hospital. Entre nan:

  • Seis (6) salanan di operacion y otro facildadnan moderno cu tin di haber cu cirugia y cu lo tin sistemanan di ventilación y airco special;
  • Departamento nobo y moderno di ICU consistiendo di 12 cama pa patient, incluyendo 2 camber di isolacion y Acute Dialysis;
  • Laboratorio moderno, nobo di mayor capacidad;
  • Botica moderno, nobo y di dobbel capacidad;
  • Departamento di Endoscopia nobo, moderno y cu mas capacidad;1/2

SOGA ta cla pa conclui trabounan na Dr. Horacio E. Oduber Hospital

• Un seccion (East Wing) remodela y renoba cu capacidad di 72 cama pa pashentnan;

Ehecucion di tur esaki ta rekeri e esfuerzo di un ekipo motiva y dedica consistiendo di SOGA, contratistanan, y naturalmente cu nos partner principal cu ta Gobierno di Aruba.
SOGA ta propietario di e compleho y edificionan di Dr. Horacio E. Oduber Hospital y e entidad encarga cu e ehecucion di e proyecto di expancion, remodelacion y renobacion di nos Dr. Horacio E. Oduber Hospital.