Dos siman formado a cuminsa cu su reunionnan cu e stakeholders. E di dos stakeholders cu el a reuni durante dia tabata cu San Nicolas Business Association (SNBA), cual pa nan ta uno hopi importante. E asociacion a bin cu manifiesto di punto importante p’e desaroyo futuro di pariba di brug.
Andres Hernandes, presidente di SNBA a splica cu ta importante e reunionnan cu e gobierno ta bezig cu esunnan cu ta conforma e pueblo en general di Aruba specialmente esunnan di pariba di brug. Nan tin e pensamento cu e ta positivo. A entrega un manifiesto di tur punto cu ta un follow up realistico, cual nan ta kere mester pasa pa pariba di brug.
Durante e reunion, no ta solamente punto di negoshi so a trece dilanti pero tambe a papia riba e parti social. Segun Hernandes, tin diesocho punto pa trata y nan ta demasiado pa trata awo. E puntonan ta valido y no tin nada nobo, tin proyecto cu a caba pero ta bini cu otro cual nan tabata traha riba dje cu e gobernacion anterior. E lo ta tremendo pa nan por sigui haci esey p’e siguiente gobernacion nobo.
Despues di hopi aña, pariba di brug por fin ta hayando un luz chikito den e tunnel. Ta hopi importante e relacion entre e plataforma di tur grupo organisa di pariba cu ta conforma e 30% pa 40% di poblacion di Aruba y gobierno. Nan ta sinti cu esey lo continua y e lo ta positivo p’e desaroyo futuro cu ta SNBA ta warda pa pariba di brug.
Pa cobertura mas amplio, lesa e edicion di TREMPAN mañan.
