Un ciudadano preocupa a informa cu tin un situacion basta preocupante riba e boardwalk na Malmok, caminda cu tin manera un tipo di tubonan ta sali afo. Hendenan cu ta cana riba e acera, mester baha riba caminda grandi pa nan por sigui cana.
E ciudadano a comenta cu ta e pida en particular aki mester caba pa asina e hendenan por cana trankil riba e boardwalk. Tabata tin un momento cu un mama cu su baby den stroller mester obliga di baha fo’i caminda, pa asina desvia di esaki.
Ta haci un apelacion na e minister encarga pa percura caba cu e trabao. E ta duna un mal imagen cu ta cuminsa cu un trabao, pero ta keda na mita caminda.
Varios propaganda a haci pa e boardwalk aki, embeyeciendo e area di Malmok, pero e pida aki so, ta haci cu e ta mustra mahos.