Sindicato di Polis Aruba (SPA) tin un preocupacion ainda. Te ainda no tin ningun contesta riba e cortamento den nan salario. Esaki e presidente Joselito Dirksz a bisa.
Durante e ultimo reunion di Zoom cu gobierno, a haci e pregunta na e mandatario di con Aruba ta e unico cu ta corta den salario di polisnan. Na Corsou, por ehempel, esaki no ta sosode. Pero loke nan ta haya straño ta cu e contesta di prome minister Evelyn Wever Croes tabata cu e no por contesta pasobra e no tabata na altura di esey. E tabatin impresion cu esey tabata sosode caba na e isla. “Pero nos a confirm’e cu esey no ta e caso.
Aruba ta e unico caminda cu ta corta den salario di polis. El a priminti cu e lo bay investiga e tema aki.” Te ainda no a scucha ningun reaccion.
SPA no a sinta warda y a tuma contacto cu un abogado pa mira cual ta e caminda huridico cu por cana den un situacion asina. Como sindicato nan no ta kere cu awendia accion cada biaha lo no duna resultado. Tempo a cambia y mester tuma accion ora e tin efecto. Ta mas factibel pa bay Corte cu un bon dossier y defende bo puntonan.
