Situacion na GKMB a presenta pa motibo di ignorancia di minister di Salubridad

Edmundo Marlin di SEPPA tabata na GKMB na Barcadera y el a splica cu e situacion cu a presenta diamars, ta ignorancia di e minister.

Marlin ta sigui splica cu si trahadonan a manda un carta pidiendo un reunion, manera e mes a bisa, e no tin ningun problema pa haci’e. Dialuna a duna un declaracion cu e minister no tin problema pa duna y toch ta laga un situacion asina tuma luga, cual Marlin ta catalog’e como ignorancia.

Trahadornan di GKMB a sali protesta na Barcadera

Posted by 24ora on Tuesday, April 16, 2019

Tambe, Marlin a menciona cu tin e trahadonan rabia, ta cu un peticion a bay aden cu diferente punto y un di e puntonan cardinal ta e gevaren toelage.

Minister Dangui Oduber ta esun cu nan a dirigi e peticion na dje. Minister a contesta e trahadonan y SEPPA, cu nan a haya conseho negativo di DRH. Trahadonan a dicidi cu nan no ta tuma e contesta eynan, pasobra nan kier un decision di Minister. Ken cu ta por duna conseho, pero e minister tin cu tuma un decision kico ta bay pasa.

Mirando cu SEPPA a trat’e na mesa y e minister a duna e contesta eynan, trahadonan a traha un carta pa pidi un reunion cun’e, pa papia cun’e personal. Un di e cosnan cu e trahadonan tin aden pa basta tempo caba, for di momento cu el a asumi e responsabilidad como minister, e no a presenta ningun dia na Barcadera.

Tur esey e trahadonan ta bisa cu tin diferente cos cu e ta atende cune, pero tin cosnan cu e trahadonan tambe kier papia cun’e. Basa riba esey e trahadonan a ilustra e contesta cu el a duna riba e gevarenpremie, ta locual e trahadonan a considera no como un contesta.

Marlin a dirigi na Prome minister, Evelyn Wever-Croes, pa e papia cu minister Dangui Oduber, pa no uza DRH como un departamento on the spot. Pasobra DRH ta un departamento cu tin cu duna conseho, pero no por pone DRH on the spot. Nos ta un comunidad cminda cu tur hende conoce otro. E momento cu un minister duna e declaracion ey pa motibo cu un departamento ta duna un conseho negativo, e ora ta pone e departamento on the spot, tin cosnan cu por bay robez. Esey ta loke cu SEPPA kier trece bon cla dilanti, pa prome minister, hala atencion di minister di salubridad publico, pa stop e modus operandi aki.

Ken cu tin cu duna conseho, ta conseho pa e minister, pero e tin cu tuma e decision riba tur e puntonan cu tin cu wordo atendi. Trahadonan ta spera esey di e minister. E decision di minister y no conseho di ningun instancia of ningun departamento.

Protesta cortico

Trahadonan di GKMB, no ta contento di loke a sosode. Ora cu a manda e carta pidiendo un reunion cu SEPPA a haya un contesta, e minister en bes di contesta e trahadonan, a contesta SEPPA y e trahadonan no a gusta e parti ey tampoco, pasobra no ta SEPPA a manda e carta, sino e trahadonan a mand’e. Pa nan, e contesta cu a wordo duna, no ta satisfactorio. Dialuna Marlin a scucha su declaracion cu e tin pensa di bay bek na DRH pa papia. E ora pakico ta duna tipo di contesta ey. Esey un biaha mas ta mustra ignorancia di e persona aki. Como mandatario, bo tin cu tuma decision y esey ta loke e trahadonan ta spera. Pesey e trahadonan diamars a para pafo na GKMB pa mustre cu nan ta mal contento. E ta duna cierto atencion tin, pero tur loke nan kier, nan no a haya. Automaticamente ta haya scenarionan asina, cu trahadonan ta pidi pa bin papia y e no kier haci’e. P’esey diamars a sali afo, pasobra den SEPPA su opinion, esaki ta ignorancia. Bo ta na altura cu nan lo walkout, dicon no a yama nan duna nan un fecha y bisa cu lo sinta cu nan.

E minister a prefera pa sali afo, mustra nan malcontento.

Hungando politica

E minister a expresa cu SEPPA ta hunga politica. Pa un tempo nan a keda keto, pero awo SEPPA a cuminsa bringa e gobernacion den tipo di weganan aki.

Marlin a splica cu SEPPA ta un sindicato. Nan no ta politico. Nan no ta bay den e nivel eynan cu e minister. E minister aki, manera cu Marlin a mustra, tur hende ta bay ripara e ignorancia di e minister aki. Si bo ta na altura cu un departamento tin un situacion y pidi atencion, e trahadonan a pidi atencion, duna nan atencion y no laga nan para pafo.

Mensahe

E trahadonan a duna e minister bon cla. E trahadonan a dicidi cu nan ta bay mustra e minister cu nan no ta contento, pa e minister duna nan un fecha pa sinta y papia cun’e. Tur cos cu sosode na mesa cu minister, tur corespondencia, e shopsteward ta hay’e y e ta combersa cu tur e trahadonan. Trahadonan ta na altura debidamente di loke ta pasa. No tin nada cu ta pasa cu e trahadonan di GKMB no sa. No tin mal comunicacion entre sindicato y e trahadonan di GKMB.

E problema ta sinta un biaha mas, segun Marlin, e contesta cu e minister a duna cu ta bisa cu e peticion cu a wordo pidi pa gevarentoelage, e conseho di DRH ta negativo y trahadonan a dicidi cu nan no por tuma esey como contesta. Nan kier un contesta di e minister su decision, kico e ta y no sconde tras di DRH. Pasobra esey ta sosodiendo awor aki. El a sosode algun tempo pasa. Un conseho a wordo duna, a bolbe sconde tras di DRH y awor aki e ta bolbe sconde tras di DRH atrobe y e trahadonan no tin pensa di tuma esey.

Comments

comments