Sindicatonan a reuni cu Gobierno riba e plan pa austeridad. Minister President a splica e sindicatonan tur cos basta detaya. Nan a palabra cu ora yega mas informacion for di Hulanda, nan lo sinti hunto pa asina haya sa mas di e condicionnan.
Gobierno lo tin un presentacion pa tur gremio riba e condicionnan. Te ainda Gobierno no a haya nada riba preto cu blanco for di Hulanda y lo mester pospone e presentacion aki. Sindicato Aduanero di Aruba (S.A.D.A.) ta keda pendiente p’e detayenan, pasobra ta kere cu Minister President mes no tin tur detaye y p’esey a pidi Hulanda pa haya esaki riba papel.
Asina aki nan por trece e detayenan pa tur gremio y por tin un bista. Tin hopi cos cu nan tin di bay discuti, asina Edward Maduro, Presidente di SADA, a bisa. Hopi cos nan tin pa discuti, y aunke tin diferencia di opinion ta hopi sano pa discuti.
Pa haci recorte ta algo prematuro pa S.A.D.A. bisa pasobra esey no ta loke a bin riba mesa. Ta depende di Hulanda. Mirando con cos ta bay pasobra na comienso no tabatin comunicacion y ta siña di fout cu awo ta comunica cu otro. Ta mas lihe por sali di e cosnan aki. Segun Maduro, ta mustra cu no ta bayendo den e direccion ey pasobra frontera ta bay habri. Un cos cu a discuti cu Gobierno ta e concepto di ley y siman pasa tabatin un encuentro cu Parlamento. Den e reunion cu Gobierno e sindicatonan a papia riba kico tur a wordo treci den Parlamento y S.A.D.A ta kere cu tin algun informacion cu nan mester haya riba papel for di Gobierno.
Cada sindicato tin su achterbaan y cada uno ta responde riba kico nan achterbaan como mandato. Tin 3 vakbond riba mesun linea, pero tin cu bay trata e cifranan si ta den of pafo di e bezoldiging. No ta completamente cla pero e puntonan cu trata riba e ley pa encuanto inkorting di salario ta basta positivo y mester informa e miembronan.
