E situacion di Covid-19 a pasa di cual e doño di Denny’s Aruba no por a sobrebibi e temporada sin ningun entrada y a tuma e decision di cera su restaurant. E ex-trahado Sulina Sanchez a firma un documento den cual el a bay di acuerdo pa separa di caminda cu su doño di trabou den paz cu otro.
El a ricibi tur loke e mester a haya, pero ta agradecido p’e 1 aña cu el a traha cu nan. E situacion ta asina y no por haci nada otro. No ta facil pa sobrevivi y pa haya un trabou den horeca, pero e ex-supervisor a bisa cu si bay haci tanto problema no lo logra nada tampoco. E ta haya su carta di recomendacion y ta cla.
Como parti di e team di maneho, e nunca por a pensa cu e luga lo mester cera, pero mirando e situacion actual unda hopi factor a hunga un rol, manera huur di e luga, no ta keda mas opcion. P’e no lo ta un sorpresa si no ta Denny’s so ta cera den e area, pasobra mas restaurant sigur lo dal porta cera mirando cu ningun hende no por afford e.
E demas trahadonan ta insisti cu tabatin hopi iregularidad den e forma di haci negoshi y regla asuntonan administrativo di e trahadonan. Segun Sulina Sanchez, e tabata manager, cu ta haci cu e no por bisa nada riba e parti administrativo. E doño di Denny’s Aruba, esta Tara Prins, a regla e cosnan di mas importante cu ta e trahadonan y e doño di edificio.
