Diamars anochi sindicato TOPA a tene un reunion cu su miembronan. Segun presidente di e sindicato, ir. Alonso Tromp, a splica cu a scoge pa bay informa e miembronan loke cu a sinta combersa den Conseho di Minister.
E presentacion cu a duna den Conseho di Minister, a duna e miembronan, pasobra ta kere cu e miembronan mester ta bon informa.
Un di e preocupacionnan grandi durante di e reunion, tabata en particular loke ta bezig ta enfoca, ta riba e carta, esta e LBHAM cu a sali, esta e ley, pa wak con ta kit’e. A pone enfoke riba e comite tecnico cu a propone den e presentacion, den cual Conseho di Minister a bay di acuerdo cu ne. Den e Comision Tecnico lo pone mas enfasis pa mira con por haci pa corigi tur cos cu ta tumando luga aworaki.
Pa awo, Tromp a splica cu nan no a tende nada di e otro sindicatonan. TOPA a scoge pa sinta na mesa. Ta kere den deliberacion, nan ta kere den transparencia y sinta na mesa pa yega na un solucion p’e miembronan. No ta kere di saca e miembronan pafo y den cual nan ta bay perde nan oranan di trabao of trece desunion sin cu tin mester.
Unda cu por negosha, ta negosha. Si un porta habri, TOPA ta hinca nan pia memey p’e porta no cera y sinta na mesa, ta loke cu Tromp a indica. TOPA ta bayendo hopi bon dilanti. Tur reaccion cu ta hayando ta positivo.
Pa loke t’e mandato, tur miembro ta mustra cu ta bay di acuerdo cu TOPA a haci, pasobra TOPA tin un directiva nobo. TOPA a trece un cambio positivo den e organisacion di e sindicato mes. Ta trahando pa transparencia y unda cu ta keda enfoca pa solucion pa TOPA y pa tur su miembronan en general.
Durante di e reunion, tabatin un grupo hopi grandi, unda cu automaticamente ta defende tur e ambtenaarnan. Awo ta en espera pa mira ki bloke sindical ta haci y si nan ta tuma e reto tambe pa uni y yega na un solucion hunto cu gobierno, ta yega riba dje.
Sino ta sigui bay padilanti pasobra na mesa ta soluciona tur asunto. Den e parti aki ta pone bon enfasis, cu no tin nada di haber cu politica. Eynan ta gewoon hendenan serio y profesional, cu kier yega na un solucion p’e aparato di ambtenaar tambe.
