E sindicatonan SADA, SEPPA, SIMAR, SPA y TOPA a manda un carta pa gobierno, riba e pago di reparatietoeslag di 1918 florin pa final di augustus 2022.
Entrante mei 2020, e ambtenaarnan ta confronta un recorte salarial di 12.6% y entrante juli 2022 ta tuma luga un reduccion di 5%. Esaki ta nifica cu e salario basico a bolbe na su nivel original. E parti restante di 7.6%, ainda mester paga. Gobierno a informa n’e medionan di comunicacion cu e parti restante lo ta inclui den e presupuesto di 2023, loke no ta aceptabel y aproba p’e miembronan di sindicato.
Ta p’e motibo aki mes, e sindicatonan a sinta hunto y diabierna anochi a bin dilanti y indica cu prome minister a contesta. Aunke segun Josephine Albertus (SIMAR), a menciona cu e mandatario a indica cu ainda cos ta preta. “Dicon na un momento cos ta bon, y ora veld exigi pa nan placa, cos no ta bon.”
Mirando cu gobierno a anuncia cu turismo ta bayendo bon, a asumi cu cos en berdad ta bayendo bon, nan tin fondo y por paga e suma di e ambtenaarnan y e gelijkgesteldennan 100%.
Esaki ta mustra con gobierno ta perde su credibilidad, Albertus a menciona.
Pa mayor cobertura lesa TREMPAN.
