Un chauffeur bou su awa a hay’e den problema den trafico, ora cu el a pasa dal diferente auto y sigui core bay.
Den area di Playa a logra para un auto cu a hit and run, esaki a tuma luga algo pasa di 8:00 pm. Polis a bay atende cu e chauffeur di un Nissan Tiida color shinshi riba L.G. Smith Boulevard, pero na momento cu a yega cerca ya por a tuma nota cu e persona tabata sin letter tras di stuur sinta (bon burachi).
Segun por a compronde, cu e auto aki a pasa dal varios auto den careda riba L.G.Smith Boulevard y sigui bay ariba. Dado momento a dicidi di bin bek abou y aki ta caminda polis a logra di pone para na banda pa asina atende cu ne.
A pidi alco-sensor pa test pero tabata bisto cu e tabata bou influencia. Asina mes a pon’e supla. Detencion a cay. A solicita un vehiculo di transporte p’asina bay c’une pa ward’i polis. E no por a ni supla ni tampoco para riba su pia.