E sindicatonan a manda un carta habri p’e representantenan di Aruba den nan rol di dunado di trabou, unda a informa cu nan no ta compronde kico kiermen respet. Tambe kico ta nifica biba riba un pais democratico.
Un biaha mas a bay riba e hecho cu na mei 2020 gobierno a hinca man den cartera di e trahadonan y ranca 12.6% fo’i nan. Aki a kita 12.6% di e cuminda fo’i hogarnan di un cantidad grandi di trahado. A sigui informa den e carta kico tur gobierno a haci di impone y mishi cu salario di e trahadonan, pero esaki ta contra ley y democracia.
Despues cu diesun sindicato y dos fundacion a nota cu e placa kita no ta bay ta destina mas como parti di solidaridad. P’esey nan a informa gobierno si ta stop FASE tin cu stop di biaha e recorte. Gobierno no kier stop cu recorte, di cual a conduci na protesta dje sindicato- y nan miembronan. Den e carta manda pa gobierno, e sindicatonan un biaha mas a pone nan puntonan. Tambe a duna gobierno un ultimatum te mañan 12:00 pm pa contesta nan.
