Despues cu e noticia a sali di suspende Mario Giel pa dal un truck, di biaha a busca mas informacion riba e caso aki. Giel a haya un carta informand’e cu pa seis siman e no por drenta ningun edificio di brandweer y vehiculo.
Na post di Oscar, cu ta keda den cura di aeropuerto, tabatin un reunion di ploeg C cu management team. Vice-presidente di sindicato di brandweer, SINBA, a nenga di sa algo di e suspension aki.
Jonathan Ramada, vice-presidente di SINBA, a indica cu ta papia di suspension, pero esey no ta e caso pasobra a toegang ontzegging. El a sigui bisa cu no tin nada di haber cu suspension. E ta kere cu ta bay haci un investigacion. Ploeg C tabata tin un reunion cu management team, unda tabatin intercambio di informacion cu a bay den bon ambiente.
A sali e informacion cu si no kita e suspension di Giel, e bomberonan lo pone trabou plat. Riba esaki e vice-presidente a indica di no sa nada. Segun Ramada, a tuma e toegang ontzegging pa haci algun investigacion y esey tin di tuma su luga. E vice-presidente no por a duna mas informacion ya cu e no tabata dispone di dje.