Den varios analisis anterior nos a premira locual ta pasando awo. Manera e caida di e euro cu ta na e nivel mas abou versus e dollar Mericano den 20 aña. Tambe un economia global cu ya caba ta of cu ta den drenta un recesion.
Awo kico lo pasa den e siguente luna- y añanan? Y con por proteha bo mes di kico ta mi vision pa e economia global?
Tur indicador clasico ta indica cu Merca ta den un recesion
Speculado profesional tin varios indicado cu nan ta uza pa wak con e economia global y vooral di Merca ta desaroyando.
E tools nan principal ta:
- GDPNow cu ta un modelo hopi sofistica live di US Federal Reserve mes.
- Prijs di koper.
- E relacion entre obligaccion di 10 y 2 aña.
GDPNow:
Ta indica den manera hopi fuerte cu e economia di Merca a simplemente “cay fo’i un cliff”.
Prijs di koper:
Koper como metal industrial ta mustra e demanda cu tin pa industria y proyecto grandi di infrastructura y door di esaki ta un indicador clasico di e economia global. Te hasta cu e speculadonan ta yama koper, “Dr. Copper” pasobra den e delaster 30 aña, un bahada grandi di 20% a pronostica tur recesion.
E relacion entre obligacio:
Un indicado cu ta hopi precies, pero ta hopi complica pa splica ta e relacionnan den interes over obligacion di diferente maturacion. Mas ainda e diferencia entre e obligacion di 10 aña versus di 2 aña ta predeci casi tur recesion den e 30 aña cu a pasa.
Kico lo pasa den siguente 12 luna?
Segun e tres indicadonan aki Merca ta den un recesion caba.
Pero kico ta bay pasa den e siguente lunanan vooral cu e Banco Central US Federal Reserve?
Segun e US FED su mesun comunicacion publico, e interes lo ta na 3.8% pa 2023.
Pero e mercado di obligacion no ta kere den e mensahe aki den ningun manera y ta indica cu na 2023 y 2024. US Federal Reserve lo BAHA interes.
Principalmente den contexto di un recesion economico global esaki ta parce un scenario hopi realistico. Dus nos ta yegando e “peak” di interes na Merca den e lunanan binidero.
Cu e bahada di interes pa sostene e economia, mundo lo drenta un periodo di “Stagflation”. Unda inflacion lo ta mas halto cu crecemento economico. Pa e lector, bo poder di compra ta y lo sigui baha den e añanan binidero
Awo kico por haci pa proteha bo mes?
Si en berdad nos ta yegando e “peak” di interes Mericano e binidiero 6 lunanan aki e siguente categorianan instrumento financiero lo ofrece hopi proteccion.
- Tereno Eigendom den districto Noord.
Prijs di tereno eigendom na Noord ta hisa cu +/- 12% pa aña den un timeseries analyse di 42 aña cu mi persona a haci. Awo mercado di real estate ta bou presion door di e hisamento di interes. Pero si interes peak y cuminsa baha pa cu 2024. Esaki lo ta un oportunidad immenso pa tereno eigendom. Noord como e districto mas cerca di beach y hotel y como mercado di luho, ta beneficia hopi di e trendnan global di mercado di real estate di luho. Si interes baha, prijs di eigendom grond lo cuminsa explota mas halto un bes mas.
- Oro fisico.
Oro ta un proteccion anticua contra inflacion y ta menciona tanto bes te hasta den Beibel Cristian.
Prijs di oro ta bou presion pa motibo cu interes ta hisando. Pero si en berdad nos ta yegando un peak y interes lo baha, nos por spera cu e instrumento aki lo tin un rendemento atractivo pa e siguente añanan.
- Accion Mericano.
E mercado di accion pa tur sorto di motibo hopi complica lo sigui perform bon compara na otro paisnan.
Un seleccion di accion cu mi mes y di mi team di analista ta e siguente accionnan:
$AAPL (Apple)
$MSFT (Microsoft)
$TAN (Solar ETF)
$NVDA (NVidia)
$ASML (ASML Holding N.V.)
Ki momento mester drenta?
Pa ta hopi hopi cla, mester warda e peak di interes bin den e siguente luna, pero nos ta yegando cerca di esaki. Dus tene e radar alerto den e lunanan binidero.
Disclaimer Legal:
E articulo aki ta uno educativo y no ta den ningun manera un aviso pa cumpra of bende cualkier instrumento financiero. E autor no ta responsabel pa ningun daño cu por surgi. Pero e analisis por wordo uza pa hende tuma nan propio desicion
