Na e momentonan aki Aruba su sector di salubridad ta den un crisis total. E gastonan di AZV ta birando insostenibel riba largo plaso, un situacion alarmante den salud publico di pueblo di Aruba y awo te hasta walk-out na Hospital.
Por a preveni esaki, at least un parti, si na 2019 a tuma un consheo por escrito hopi fuerte di Prof. Dr. Ewout Steyerberg di Leiden University Medical Center y Erasmus MC na serio. Mas recien mi persona a manda un carta oficial na Ministerio di Salud, cu Parlamento den CC, pa informa dicon no ta uzando tur e hermentnan OPEN-SOURCE (GRATIS), cu mi persona a publica varios biaha den corant Bon Dia.
Proyecto: Predictive Health Aruba. (2019)
Na aña 2018-2019 caba mi persona conhunto cu full un team di Profesornan Hulandes di e caliber di mas halto a propone un proyecto pa alivia e situacion di salud na Aruba cu tawata precario caba. E proyecto aki tawata tin como meta pa haci un scan di salud’ avansa di ful Aruba su pueblo riba 18 aña di edad. Lo a crea full un “Plataforma di Prevencion” cu un ecosistema di aplicacion, y den e tempo ey caba Intelligencia Artificial, pa asina por brinda pueblo di Aruba, loke ta wordo yama “Precision Health”. Dus conseho medico preventivo ful personalisa. Despues cu un ecosistema di aplicacion lo yuda cada persona pa biba un estilo di bida mas miho. Tambe e algoritmo di Inteligencia ArtificiaI, por alerta mediconan si e screening a resulta cu un persona ta na riesgo halto di un evento grave of ta den un categoria di riesgo halto en general. Pa asina por preveni ataca di curason, stroke y hopi mas. Esaki tambe mi kier enfatisa por preveni hopi sufrimento humano cu ta causa dor malesanan cronico.
Den un carta oficial pa Ministro Dangui Oduber na October 31, 2019, Prof. Dr. Ewout Steyerberg cu e aña ey tawata un academico den Top 20 mas renombra di full mundo, a bisa duidelijk por escrito lo siguiente:
“Cu e proyecto Predictive Health Aruba por contribui na e Triple Aim di na mesun tempo, reduci gasto di AZV, hisa e salubridad general di pueblo di Aruba y aumenta e experiencia di e sector di salud dor di pueblo di Aruba”
Ta asina un lastima cu a ignora un proyecto cu por a nifica tanto pa e salud di un pueblo completamente door cu mi persona su “background politico” no tawata na Minister Oduber su agrado. Pa ta duidelijk awo ful pueblo di Aruba ta sufriendo di e consecuencianan di esaki.
Carta Oficial 21 di Februari 2024
Recientemente a publica varios articulonan den medio di corant di Bon Dia, di ful un ecosistema di posibilidadnan OPEN-SOURCE, dus completamente gratis cu por mobilisa inmediatamente pa yuda cu e situacion di crisis den Aruba su Salubridad. Ta papia di full ecosistema di aplicacion pa midi y analisa den manera hopi sofistica salud, e hermentnan di Inteligencia Artificial manera MediTron70B. Un AI cu ta na un nivel comparabel cu un specialista medico. Tambe a papia di ecosistema di tecnologianan di sensor pa asina por brinda salud preventivo den y pafo di Hospital pa e pashentnan cu ta core riesgo halto.
Mi persona a manda un carta oficial pa Minister Oduber y su conseheronan data 21 di Februari 2024. Puntrando pakico no ta haci uzo di e hermentnan gratis aki pa asina brinda alivio na e situacion grave di salubridad na Aruba.
Atrobe no ta haya ningun tipo di contesta y tampoco no ta wak nada den actonan pa uza e hermentnan sofistica aki.
Crisis di Salud ta Culpa di Excellentie Oduber:
Awo nos ta wak cu gastonan di AZV ta insostenibel, cu tin walkouts na Hospital y cu en general e salud di Pueblo ta na un nivel hopi alarmante. Den parti grandi tur por a preveni e drama aki si na 2019 caba a duna oido na Prof. Dr. Steyerberg su grito di auxilio, mas recien tambe na december siguiendo varios publicacion den medio di corant Bon Dia, sigui pa cartanan oficial manda pa Minister Oduber su persona.
Awo nos tur como pueblo ta sufri den manera profundo di decisionnan cu a wordo tuma basa exclusivamente riba colornan politico.
