Abogado mr. Desiree Croes a entrega un keho contra Minister di Husticia Rocco Tjon diahuebs mainta na Landsrecherche. E abogado ta bisa cu pa coincidencia e ta abogado den un caso cu tin riba e protesta di “No more hotels”.
Eyden el a bin descubri informacion cu a sali peticion for di Ministerio di Husticia unda ta pidi pa investiga un ruman di Desiree Croes.
“Esey ta hopi straño. No ta un procedura usual cu ta yama for di bureau di minister anto acusa un persona directamente uzando tambe e nomber di un ruman cu no tin nada di haber.” E keho a keda acepta na Landsrecherche, e lo cana su caminda y lo tende pronto si nan ta haya cu tin suficiente motibo pa scucha minister of esunnan den e ministerio.
Lesa mas den TREMPAN.
