Dia 15 di december 2020 gobierno a haci algun cambio den e richtlijnen pa loke ta trata e cuarentena. Sindicato SIMAR no tabata na altura di esaki y p’esey ta haya cu esaki ta algo preocupante. Pero durante e rueda di prensa di gobierno, Prome Minister mr. Evelyn Wever-Croes a indica cu tur cos ta sigui normal pa enseñansa.
E mandatario a splica cu algun scol a aplica bon e protocolnan y e ta elogia e docentenan pa haci esey. Pero Josephine Albertus, presidente di SIMAR, a bisa cu nan no a haya e cambionan aki. Diahuebs algun docente a tuma contacto cu e sindicato y a informa nan di esaki. Normalmente ora cu bin cambio den e richtlijnen, automaticamente e sindicato ta hay’e den email.
E ultimo richtlijn cu nan a ricibi tabata dia 1 di december 2020. Na momento cu e docentenan a contacta e sindicato riba e punto aki, di biaha a bay check. Door di esey SIMAR a manda un carta p’e mandatario concerni pa loke ta e cambionan aki y cu no a informa nan.
Albertus ta rercorda tur hende riba e importancia di pa sigui mantene na e guianan di higiena y distanciamento socia.
