E reunion entre Aruba Entertainment 2020 y Crisis Team a bay hopi bon. Segun Ofo Escudero, kende ta forma parti di e hunta temporario di Aruba Entertainment 2020, tin 3 pa 4 siman cu ta reuniendo cu Crisis Team. Ta negoshando hopi bon cu otro. Ta comprondiendo nan punto y ta dispuesto pa trece nan punto afo pa comunidad. Tur loke cu ta pasando awor aki.
A logra cu artistanan por duna actuacion te cu tres persona. Esey ta un logro hopi bon. Ta tres biaha di esnan cu ta na cas cu ta trahando cu a cuminsa eherce nan trabao.
Pero tin mas cos cu a bin dilanti riba mesa y tin cu warda contesta di Crisis Team pa wak si nan ta bay coordina cu Aruba Entertainment.
Bailamento
Poco poco pero sigur lo tin bailamento. Esaki ainda ta den negociacion. Ta comprendibel cu mester purba di minimalisa e contagio mas tanto posibel. Pero si ta papia riba dje pa den e proximo temponan cu ta bin, pa delibera cu si por bin cu bailamento.
Pero pa awor aki no por ainda, segun Escudero. A presenta full un lista di loke a bisa con cos por bay. Manera por ehempel un wishlist. For di eynan ta saca afo kico tur ta bay di acuerdo cu ne.
Awor aki tur cos ta depende di pueblo mes. Si pueblo por compronde y obedece e reglanan, mas lihe por yega na caminda cu por yega pa tin fiesta y bailamento manera cu tabata haci’e antes.
Negociacionnan pa fiesta
Mirando cu fin di aña ta acercando, si en caso cu un hende kier haci un fiesta grandi unabes cu yega 0 caso, loke cu por sinti di Crisis Team ta purbando pa mira con ta bay haci ora cu yega na e punto ey. Pero hopi cos no por bisa depende con tur e dianan aki ta bay. A base di tur loke ta e casonan cu ta bin dilanti, esey lo bay hunga un rol masha grandi mes, segun Escudero.
P’esey pa Aruba Entertainment ta importante pa sigui baha e casonan positivo lo maximo posibel pa por yega na e punto ey.
Ta algo cu a trece dilanti, cu principalmente pa awo, den e temporada di fin di aña cu tur hende por fiesta, por yega eynan. Ta depende di nos con nos ta comporta den e proximo simannan aki.
