Dia 16 di aril 2024 a tuma lugar un reunion publico yama pa Fraccion di MAS y AVP. Ya na inicio di e reunion, manera por a spera, a bira obvio cu ta puro wega politico ta tumando lugar y sin cu enberdad kier debati, haci pregunta of pidi informacion, segun Shailiny Tromp-Lee di MEP. Ya den prome tanda Fraccion di MAS a sali presenta un mocion di desconfiansa. Ya nan tabatin nan decision tuma di prome cu nan a drenta e reunion.
Oposicion kier laga aparenta cu a dura mas cu 1 aña pa minister a bin duna cuenta encuanto su maneho di admision. Esaki sigur no ta cuadra cu realidad. Nan peticion pa reunion fecha 15 di februari 2023 a keda debidamente atendi pa Presidente di Parlamento. Mester bisa si cu contrario na nan peticion pesidente a yama un encuentro publico caminda debidamente Minister Croes a bin pa trata e maneho di admision dia 27 di juni 2023.
Otro aspecto cu pueblo mester tene cuenta cu ne ta cu na deember 2023 a trata presupuesto 2024 y na e momento aki tambe nos como parlamentario tin cu analisa y aproba e maneho di cada ministerio, dus tambe e maneho di admision. Mayoria di pregunta of tema di preocupacion a keda atendi debidamente durante e reunionnan aki.
Mester señala tambe cu tur loke cu nan ta uza como motibo pa a presenta e mocion di desconfiansa dia 16 di aril 2024 contra minister tabata existi e tempo ey caba y minister a duna splicacion y informacion debidamente. Pakico hunga rol y insinua cu minister no kier duna cuenta, y cu e no ta transparente?
Mihor lo ta si bo bisa cu bo no ta di acuerdo cu e maneho despues di a ricibi splicacion of contestacion of cu esaki no tabata suficiente of satisfactorio. A keda duidelijk cu ta un show completo e reunion tabata accentuando un falta di seriedad total y sigur na ningun momento a aporta na mehoracion of sugerencia berdadero pa cambio.
