Un señora na suela den oranan di madruga no ta un bista comun y momento cu diasabra marduga habitantenan a mira e señora na suela manera cu e no sa di mundo, el a spanta nan masha hopi mes.
Segun e habitante, pa casi 1’or di marduga di diasabra nan a pidi Polis pa yega lihe den Oldenbarneveldstraat pa e caso aki pasobra nan no kier yega cerca. Pero prome cu Polis a yega, nan a nota cu e señora tabata haci movecion.
Polisnan cu a yega na e sitio a combersa cu e muhe, pero tabata dificil pa saca algo for di dje, pasobra e ta parce di ta bou influencia di alcohol pa su forma di reacciona. Nan tabata puntr’e unda e ta biba pa hib’e su cas, pero e tabata papia hopi bruha y lenga pisa. Finalmente a dicidi di pidi transportwagen pa transport’e pa warda te ora cu e ta den bon estado pa bay su cas.
