Diabierna, pasa di 7’or di anochi, polis a presenta na altura di Morocho Supermarket den Hendrickstraat, cerca di ex KFC, caminda cu lo tabata tin un pelea.
Na momento cu nan a yega, nan a bin topa cu bastante hende parti pafo. Nan a indica cu paden e problema a tuma luga. Paden, un Chines a declara cu un cabayero, kende posiblemente no a gusta e servico, lo a sali y bin bek cu un bat di baseball y a menase.
Polis a tuma dato di e suceso y a avisa e Chines pa pasa recherche duna keho hunto cu e video. Aparentemente e persona ta conoci pa e Chines y a bisa polis cu e lo pasa mas den proximo dianan pa asina haci su denuncia.
