Carlos Thiel ta manager di e selecion di Aruba cu ta bayendo Santa Clara, California pa hunga baseball.
Awe mainta tempran nan tabata na aeropuerto pa asina nan bay representa nos isla.
Ya pa 9’or di mainta nan a sali pa San Francisco y djey nan ta coy bus pa bay Santa Clara. Nan no a prepara mucho, mirando cu nan tabata tin dos seleccion. E prome a bay Corsou. E resto a wordo entrena apart. Thiel ta focus mas den pitcheo. Ora cu yega na Santa Clara, lo bay haci un training di bateo cu nan.
Cuanto
Te awor aki 16 mucha a sali pa Santa Clara.
Kico lo pasa
Thiel a conta cu nan lo ta yegando Santa Clara pa mey anochi. Nan ta hungando dia 3 pa 9’or di mainta, y e prome wega. E wega aki lo ta contra e ekipo di North Zone di Merca mes.
Nan a hunga hunto
Mayoria di e muchanan aki a bay seleccion cu 15/16 na La Fayete. Tur conoce otro, cual sigur ta algo importante mes. Ora cu haya un team, mester hay’e hunto sikiera pa un training hunto, pero mirando cu nan conoce otro, no lo tin problema, segun Thiel.
Edad
Den e seleccion aki, ta muchanan di 17/18 aña. Tin por lo menos 5 di nan cu tin 18. Awor aki ta bayendo cu cinco persona. 3 coach, cu un delegado mas un mayor.
Esfuerso
Thiel ta gradici minister Schwengle kende a duna un bon man. Tambe Estefano Wernet. Nan a yuda pa por a logra tambe unda nan mester yega. Na Santa Clara nan lo take care di nan, pa loke ta cuminda, hotel, etc.
Regreso
Nan lo bin bek dia 8 di Augustus, pa 2’or di atardi.
Fortalesa
E ultimo biaha cu nan a biaha, nan a duna un bon bataya. Nan a bay te casi final. Segun Thiel, e muchanan aki awor aki cu nan a bay, e ta premira cu nan lo por bay sigur den semifinal. Ban wak, mirando e entusiasmo y fortalesa di e team, nos por mira un siguiente campeon. Exito.
