Aruba Taekwondo Classic Cup tabata tin hopi sorpresa entre e bringadonan manera Julian Wong di E.T.U. Taekwondo Foundation bou guia di Esther Koffie y Shaul IIlidge cu a participa pa prome biaha y haci un impacto grandi.
Samuel Rosales di Noord Taekwondo Center bou guia di Grand Master Chaco Cornelio, Master Melvin Rasmijn, Master David Dubero y Master Joshmar Wever a haci un cos y a laga e publico cu wowo ariba dije. Samuel Rosales ta train duro na Noord Taekwondo Center y a demonstra tecnicanan avansa cu ta wordo haci na campeonatonan internacional. Nos mester duna hopi credito na Noord Taekwondo Center cu nan team di trainernan cu a prepara Samuel Rosales hopi bon.
Alisha van Geene a bin cu masha hopi briyo ganando su pelea bringando manera un tiger sin duna su contrincante oportunidad pa hala rosa. Un bringado cu su lombrishi ta dera na Noord Taekwondo Center. Locual ta Maelynn Fradl y Shaquille Barry ta bringadonan cu no ta desconoci den Taekwondo y cu ya caba tin e maya bou di nan faha. Maelynn Fradl a caba di bolbe for di Costa Rica unda cu la gana oro.
Brazil Taekwondo Stichting ta felicita tur e miho bringadonan cu automaticamente a haci nan entrada den Best of the Best 2018.
