Contrario loke cu prensa Hulandes ta para riba cu Corsou kier duna un man den e ayudo humanitario pa loke ta Venezuela, gobierno di Corsou a emiti un comunicado di prensa unda cu e ta bisa cu den ningun momento nan lo ta participa den e esfuerso humanitario internacional, pa loke ta Venezuela, mañan, dialuna 4 di Februari.
E comunicado ta sigui splica cu Corsou ni Reinio, no ta na altura di ningun yudansa humanitario pa Venezuela via teritorio di Corsou, aunke cu a yega di indica cu e lo ta dispuesto pa fungi como un hub pa yudansa humanitario, pero pa loke ta trata e accion di mañan dialuna, ni Corsou, ni Reino, no ta forma parti di dje.
Prensa ta bisa cu si
Pero segun NOS, esaki ta otro. Aki nan ta mustra cu gobierno di Corsou SI ta dispuesto pa coopera den un campaña di ayudo internacional pa Venezuela. E pais aki a deslisa bao di presidente Maduro y awo ta den un crisis politico y economico profundo.
Corsou mes ta boga pa un Venezuela stabil. Tur dia ta bin refugiado Venezolano. Mientras tanto, mas di 15 mil persona ta biba riba e isla, y hopi biaha, den condicionnan miserabel, e articulo ta bisa.
“Por lo tanto, Corsou ta haci un yamamento na tur parti pa pone n fin na e violencia inecesario, pa por tin paz y trankilidad atrobe, proclama eleccionnan democratico nobo y permiti ayudo humanitario,” declaracion di gobierno ta bisa, segun NOS. “Corsou ta dispuesto pa bira hasta un hub humanitario.”
E presidente autoproclama di Venezuela, Juan Guaido, a bisa cu a priminti’e ayudo internacional pa asina enfrenta e escases di alimento cu ta azotando e pais. Segun Guaido ta cada sigur 250 Venezolano rond, den peliger inmediato di muri, debi na desnutricion of falta di medicamento.
Paisnan bisiña Colombia y Brazil, lo hunga un rol den e accion di ayudo, pero tambe Corsou ta wordo nombra como “posibel” punto di sosten. Mirando su ubicacion geografico, ta haci’e mas facil pa transporta mercancia via barco, segun e articulo.
Kico nos por spera
Awo ta di spera en realidad si finalmente Corsou keda mantene su posicion cu e no lo ta participando den e esfuerso humanitario of lo ta contrario.
