Awe ta Dia di Betico y tur hende sa di core rond di Aruba. Awe California Lighthouse tin un special ta 5 florin, caminda grandi y chikito por mira 70% di e isla for di ariba.
Una bes cu yega na e entrada, e tourguide ta indica kico ta loke nan tin cu haci. Fuera di esey e bishitantenan ta haci preguntanan manera cuanto steps e trapi tin of con duro e biento ta, fuera di e bunita bista cu tin na top di e faro.
No ta solamente awe California Lighthouse tin su special. Tin tambe nan special pa Himno y Bandera, cual ta riba 18 di maart. Un y tur ta cordialmente invita pa asina bin tira un bista di e beyesa natural cu nos isla tin. E special lo ta 5 florin, for di 9’or di mainta pa 7’or di anochi. Abo por scoge e ora cu bo kier bin.
Tur dia Lighthouse ta habri for di 9’or di mainta te cu 7’or di anochi y entrada ta $5. Solamente riba dianan special, manera e caso aki di Dia di Betico y Himno y Bandera, nan tin e special di 5 florin.
No perde e oportunidad aki pa asina bo ta un turista riba bo isla. Bin tira un bista di e paisahe pintoresco cu bo pais, nos pais tin pa ofrece. Probecha y bishita California Lighthouse y wak pa bo mes. No laga ningun hende contabo.
