Grupo di Oracion “Inmaculada Curason di Maria ” ta invita tur devoto y fiel di Mama Maria cu tin oracion na e monumento na Santa Cruz.
Dialuna 13 di februari 2023, ta reuni pa 6:00 pm n’e monumento. Ta resa Santo Rosario y mas oracion na honor di Hesus y Maria prome cu Santo Sacrificio di misa di 7:00 pm.
Na aña 1917 Mama Maria a bisa n’e tres muchanan di Fatima: Resa tur dia e Santo Rosario y bo ta gana Indulgencia Plenaria. Riba 11 di februari 1858, prome aparicion di Mama Maria na un mucha di 14 aña cu yama Bernadette, tambe a pidi pa resa e Santo Rosario tur dia pa haya gracia y pa santidad.
Ta resa n’e monumento di Inmaculada Curason dos bes pa luna, riba tur 13 di luna y tur prome diasabra di luna.
