Awendia despues di pandemia hopi ta esnan cu ta desea di planta y haci algo positivo na cas. Planta un mata no ta trabou cu ta bay facil. Mas grandi e mata ta, mas grandi lo mester coba e buraco caminda e mata mester bay.
Imagina tambe caminda cu bo kier bay planta e mata e tereno tampoco no ta na bo bentaha. Referiendo cu kisas e suela ta yena di piedra cu ta haci dificil pa un “Pik”of un “Barete” por coba e buraco. Esaki sigur ta trece dificultad haciendo bo mannan dolor y casi sigur e lo kita tur bo gana di planta e mata. Conociendo e suela di Aruba den mayoria caso e ta seco y duro.
Pa haci e trabou di cobamento di buraco pa planta mata mas facil y agradabel Departamento di Agricultura, Cria y Pesca Santa Rosa awor ta ofrece e servicio haciendo uzo di “Backhoe” Esaki ta un servicio recien cu a introduci specialmente pa agricultornan cu ta desea di hinca matanan den tera.
Sta Rosa ta conseha pa tuma bon nota prome cu bo dicidi pa hinca un mata den tera. Wak si berdad e mata aki no lo bay stroba bo den futuro na momento cu e bira grandi. Corda semper mantene distancia for di cura y muraya di cas pa asina e mata no causa molester of daño.
Pa mas informacion tocante di e servicio aki di cobamento di buraco pa pone mata por tuma contacto cu cu oficina na tel: 585-8102. Gustosamente lo atende y conseha bo kico pa haci prome cu tuma un decision final pa cobamento di buraco pa planta un mata.
