E experiencia Caricia ta toca e prome sitio unda cu via Daimari ta honra e herencia natural di nos isla. Segun Natusha Croes, artista multidisciplinario, Caricia The Daimari Experience ta dura un ora largo na Unoca, unda cu den un seno hopi intimo, dies persona maximo, ta invita pa drenta den un estado mental un tiki mas sensibel. Un tiki mas reflehando riba e elementonan, riba naturalesa, medio ambiente y kico e ta activa como poder creativo y bienestar. Con e ta hiba tur hende bek atras na mucha cu ta biba den nan y con esey por siña cada un ken nan ta y unda lo kier bay.
Elementonan scogi
Natusha a scoge diferente elemento cu tin di haber cu naturalesa. E ta splica cu e kier haci accesibel e edificio di Unoca, cu ta rico di diferente elemento cu geograficamente por bisa cu nan ta monumento.
Ta surpasa nos existencia. Natusha ta honra e formacion di nos isla. Tur loke lo permanece eynan y semper lo tey den un proceso constante di transformacion, evolucion. Door di basicamente trece y socialisa e diferente palmanan, foyonan, tera, takinan. Duna un porta na Daimari como e prome sitio aki cu Natusha ta explorando.
Mustrando con e ta casi un reflexion tambe riba e memoria di tur e ser- y energianan cu di un forma of otro ta conecta cu e luga y laga un tiki reflaha riba e antepasadonan, con naturalesa di Aruba semper tabatin un forsa magnifico cu ta yama tur hende pa contempla y cu ta trece hopi hende bek y hasta e turistanan.
Esey ta e importante pa Natusha. Hacie accesibel. Cuminsa socialis’e, cuminsa recorda pa asinia pocopoco por bay bek y laga e interaccion aki tuma luga.
Exposicion
Lo clausura e etapa uno Caricia/Daimari fin di maart. Tin premira dos pa tres siman di funcion. Despues ta cuminsa na clausura pa drenta den e procedura di crea Caricia Practica, unda cu door di diferente tayer lo ta socialisando e practica artistico aki.
E por ta pa cualkier persona cu ta interesa den naturalesa of interesa den movimento, den musica, den metodonan pa genera bienestar. Den cualkier teritorio cu por ta, no ta importa, Natusha lo trece e aspecto of metodologia aki dilanti pa asina por explora e siguiente zona, cual pa sigui e ruta cu ta sali e ora cu yega na Boca Daimari, bira bay man robes tin henter e zona cual nos grandinan ta yama Inyuc, eynan tin Black Pebble Beach, Noord Kap, e area volcanico.
For di diferente tayer cu Natusha lo ta dunando durante luna di april y mei, lo ta explorando e curpa humano, con ta sinti incorpora rosea, diferente forma di move cu un conexion profundo cu e ser y for di eynan explora e zona aki, crea un obra colectivo y desaroya e ora e otro productonan cu por a experencia un tiki durante e Experiencia Caricia/Daimari.
Musica, baile, experiencia en total lo ta un siguimento di Caricia.
Con pa participa na e experiencia
Pa participa na e experiencia di Caricia/Daimari na Unoca, por sigui Natusha riba Caricia Aruba riba Facebook, tambe Instagram #CariciaAruba of tambe por yama Natusha Croes na 5623217 pa esnan cu ta interesa pa book un sesion. Tambe por manda un email na [email protected], pa ricibi mas informacion di e sesionnan di Caricia. Cualkier donacion pa aporta tipo di creacionnan innovativo asina ta mas cu bon bini.
